Адрес Госэкотехинспекции ш. Бишкек, көч. Ахунбаева 119 

Урматтуу окурмандар!

Директор Госэкотехинспекции

Сиз директор Джунушев Джолдошбек Маликовичке кат менен кайрыла аласыз

Мамэкотехинспекциянын Чолпон-Ата, Балыкчы шаарлары, Ысык-Көл жана Тоӊ райондору боюнча региондор аралык башкармалыгынын жаныбарлар жана өсүмдүктөр дүйнөсүндөгү браконьерликке каршы күрөшүү боюнча 2019-жылдын 04-октябрь айынан 31-декабрь айына чейин чыгарылган №104 ө/б буйругунун негизинде 04.10.2019-ж. Чолпон-Ата шаарынан Балыкчы шаарына чейин рейдттик иш-чара жүргүзүлдү. Рейд учурунда Чолпон-Ата шаарынын 1988-жылы туулган тургуну А.О. Джумаев аталган шаардан үйлөтмө балон кайыкта мыйзамсыз балык уулап жүргөн жеринен кармалды. Кайыгында Ысык-Көлдүн 17 даана чебачек балыгы бар экендиги аныкталган жана №003347 протоколу түзүлүп, 1000 сом айып, 5151 сом доо коюлуп өндүрүлдү. А.О. Джумаевге балык уулоо мыйзамсыз экендиги тууралуу түшүндүрмө берилди. Мындан сырткары Чырпыкты жана Тору-Айгыр айылдарынан суудан 2 километрге жакын 30 даана кытайдын мыйзамсыз балык уулого салынган торлору чечилип, көл үстүнөн тазаланып, кескиленип жараксыз абалда таштанды таштоочу жайга жеткирилип ташталды.
Бүгүнкү күндө жаныбарлар жана өсүмдүктөр дүйнөсүндөгү браконьерликке каршы күрөшүүгө Мамэкотехинспекциянын Чолпон-Ата, Балыкчы шаарлары, Ысык-Көл жана Тоӊ райондору боюнча региондор аралык башкармалыктын инспекторлору күжүрмөн иш алып барууда.


 


 

  Кыргыз Республикасынын Мамлекеттик тил мыйзамынын  30 жылдык мааракесине карата   “Тилим барда  улутмун, тилим  менен улукмун. Эне тили болбосо , аты аталбайт улуттун” - аттуу акция Мамэкотехинспекциянын Талас облустук региондор аралык башкармалыгы тарабынан өткөрүлдү. Иш-чараны аталган башкармалыктын жетекчиси Э.Төлөбаев ачык деп жарыялап, кыргыз тилинде Ч.Айтматовдун чыгармасынан көркөм окуду. Башкармалыктын инспекторлору кыргыздын улуттук кийимдерин кийип келип, өз өнөрлөрүн тартуулашты. Башкы инспекторлор Н.Абдылдаев жана  Н.Абдырахманов кыргыз тилине мындан ары дагы тийиштүү көӊүл бурулуп, келечекте өнүгүп, өсүүсүнө  тилектештигин билдиришти. Ошондой эле комуз менен  “Кыргыз көчү”, “Кыз кербез”, “Маш ботой” күүлөрүн жогорку чеберчиликте аткарышса, башкармалыктын  башчысынын орун басары Д.Бердалиевдин катышуусунда кыргыз тилинин азыркы учурдагы абалы тууралуу кыскача инсценировка аткарылды. Башкармалыктын жер көзөмөлү боюнча улук инспектору Ф.Ашыралиев кыргыз тили жөнүндө өз калеминен жаралган бир нече куплеттен турган  ыр саптарын тартуулады.

         Талас облусундагы ыйгарым укуктуу өкүлчүлүгүнүн  социалдык мониторинг жана өнүгүү бөлүмүнүн башкы адиси  А.С.Озекеева жана башка комиссия мүчөлөрү менен биргеликте Башкармалыктын ар бир кабинетте атайын жасалган баннерлерин жана башка жасалгаларын карап чыгып, жогорку баа беришти.